Taalie 20:22-29 in Susu

²² I naxa a fala, «N nan n gbeɲɔxɔma nɛ.» I xaxili ti Alatala nan na, a i rakisima nɛ.

²³ Alatala mu wama maniya se tinxintare xɔn ma. Sikeeli tinxintare mu fan.

²⁴ Alatala nan adamadi xun tima kira nde ra. Ibunadama tan mu nɔma na fahaamude.

²⁵ Laayidi tongofe Ala bɛ mafuren mafuren maɲɔxunyi gbegbe xanbi, na findixi gantanyi nan na adamadi bɛ.

²⁶ Mangɛ lɔnnila fata mixi ɲaaxie mayegetide, a ti e fari a xɔrɔxɔɛ ra.

²⁷ Alatala xaxili fima adamadi ma, a findi a bɛ lanpui ra, alako a xa a yɛtɛ bɔɲɛ mato a fanyi ra.

²⁸ Xanunteya nun dugutɛgɛɲa mangɛ kantama nɛ. Mangɛ kibanyi sabatima nɛ mangɛ xa xanunteya saabui ra.

²⁹ Fonike sɛnbɛ findixi a xa xunnakeli nan na. Xɛmɔxi xunsɛxɛ fiixɛ findixi a xa binyɛ nan na.

²² عِ نَشَ عَ قَلَ، «ﭑ نَن ﭑ فبٍحْشْمَ نّ.» عِ شَشِلِ تِ عَلَتَلَ نَن نَ، عَ عِ رَكِسِمَ نّ.

²³ عَلَتَلَ مُ وَ مَ مَنِيَ سٍ تِنشِنتَرٍ شْن مَ. سِكٍيلِ تِنشِنتَرٍ مُ قَن.

²⁴ عَلَتَلَ نَن عَدَ مَدِ شُن تِمَ كِرَ ندٍ رَ. عِبُنَدَ مَ تَن مُ نْمَ نَ قَهَامُدٍ.

²⁵ لَايِدِ تٌنفٌقٍ عَلَ بّ مَقُرٍن مَقُرٍن مَحْشُنيِ فبٍفبٍ شَنبِ، نَ قِندِشِ فَنتَنيِ نَن نَ عَدَ مَدِ بّ.

²⁶ مَنفّ لْننِلَ قَتَ مِشِ حَاشِيٍ مَيٍفٍتِدٍ، عَ تِ عٍ قَرِ عَ شْرْشْي رَ.

²⁷ عَلَتَلَ شَشِلِ قِمَ عَدَ مَدِ مَ، عَ قِندِ عَ بّ لَنثُي رَ، عَلَكٌ عَ شَ عَ يّتّ بْحّ مَتٌ عَ قَنيِ رَ.

²⁸ شَنُنتٍيَ نُن دُفُتّفّحَ مَنفّ كَنتَمَ نّ. مَنفّ كِبَنيِ سَبَتِمَ نّ مَنفّ شَ شَنُنتٍيَ سَابُي رَ.

²⁹ قٌنِكٍ سّنبّ قِندِشِ عَ شَ شُننَكٍلِ نَن نَ. شّمْشِ شُنسّشّ قِيشّ قِندِشِ عَ شَ بِنيّ نَن نَ.