Taalie 12:1-19 in Susu

¹ Mixi yo tinma marasi ra, na wama lɔnni nan xɔn, naxan tan mu tinma na ra, daxui nan a ra.

² Alatala hinnɛma nɛ mixi fanyi ra, a mixi kobi tan ɲaxankata.

³ Ɲaaxuɲa mu xili xungbe fima mixi ma, kɔnɔ sese mu a niyama tinxintɔɛ sankee xa tala.

⁴ Ginɛ fanyi findima a xa mɔri xa xunnakeli nan na, ginɛ ɲaaxi tan luma nɛ alɔ kuli naxan na ɲinyi kui.

⁵ Mixi tinxinxie xa maɲɔxunyi fan, kɔnɔ mixi ɲaaxi xa marasi mixi madaxuma nɛ.

⁶ Mixi ɲaaxi xa wɔyɛnyi mixi faxama nɛ, kɔnɔ tinxintɔɛ tan xa wɔyɛnyi mixi rakisima nɛ.

⁷ Mixi ɲaaxie xa fe fama nɛ kanade, kɔnɔ sese mu mixi tinxinxie xa denbayae toma.

⁸ Ɲama lɔnnilae matɔxɔma nɛ, kɔnɔ bɔɲɛ ɲaaxi kanyie, e yoma nɛ nee ma.

⁹ Yɛtɛ magore, malima keren peti na naxan bɛ, a fisa yɛtɛ igboe bɛ, baloe mu na naxan yi ra.

¹⁰ Tinxintɔɛ mɛɛnima nɛ a xa xuruse ma, kɔnɔ mixi ɲaaxi tan ya ixara.

¹¹ Bɔxi rawali baloe sɔtɔma nɛ, kɔnɔ lɔnnitare birama fe fufafu nan fɔxɔ ra.

¹² Mixi ɲaaxi harige fenma tinxintareya ra, kɔnɔ tinxintɔɛ sankee tan sigama bɔxi suxu ra nɛ.

¹³ Fe ɲaaxi findima gantanyi nan na mixi ɲaaxi bɛ, kɔnɔ tinxintɔɛ a yɛtɛ ratangama nɛ na tɔɔrɛ ma.

¹⁴ Wɔyɛn fanyi findima xunnakeli nan na mixi bɛ, alɔ mixi to a xa wali sare sɔtɔma.

¹⁵ Lɔnnitare a maɲɔxunxi a a xaxili fan, lɔnnila tan marasi nan fenma.

¹⁶ Lɔnnitare bɔɲɛ te rafura, lɔnnila tan mu konbi yaabima.

¹⁷ Tinxintɔɛ nɔndi nan falama a boore xun, kɔnɔ seede ba ɲaaxi wule nan tun madɔxɔma.

¹⁸ Mixi dɛ wuyaxi xa wɔyɛnyi mixi maxɔnɔma nɛ alɔ santidɛgɛma, kɔnɔ lɔnnila tan xa wɔyɛnyi mixi nan nayalanma.

¹⁹ Nɔndi falɛ xa masenyi mu masarama, kɔnɔ wule falɛ xa masenyi luma nɛ masara ra.

¹ مِشِ يٌ تِنمَ مَرَ سِ رَ، نَ وَ مَ لْننِ نَن شْن، نَشَن تَن مُ تِنمَ نَ رَ، دَشُي نَن عَ رَ.

² عَلَتَلَ هِننّمَ نّ مِشِ قَنيِ رَ، عَ مِشِ كٌبِ تَن حَشَنكَتَ.

³ حَاشُحَ مُ شِلِ شُنفبٍ قِمَ مِشِ مَ، كْنْ سٍسٍ مُ عَ نِيَمَ تِنشِنتْي سَنكٍيٍ شَ تَلَ.

⁴ فِنّ قَنيِ قِندِ مَ عَ شَ مْرِ شَ شُننَكٍلِ نَن نَ، فِنّ حَاشِ تَن لُمَ نّ عَلْ كُلِ نَشَن نَ حِنيِ كُي.

⁵ مِشِ تِنشِنشِيٍ شَ مَحْشُنيِ قَن، كْنْ مِشِ حَاشِ شَ مَرَ سِ مِشِ مَدَشُمَ نّ.

⁶ مِشِ حَاشِ شَ وْيّنيِ مِشِ قَشَمَ نّ، كْنْ تِنشِنتْي تَن شَ وْيّنيِ مِشِ رَكِسِمَ نّ.

⁷ مِشِ حَاشِيٍ شَ قٍ قَمَ نّ كَنَدٍ، كْنْ سٍسٍ مُ مِشِ تِنشِنشِيٍ شَ دٍنبَيَيٍ تٌمَ.

⁸ حَمَ لْننِلَيٍ مَتْشْمَ نّ، كْنْ بْحّ حَاشِ كَنيِيٍ، عٍ يٌمَ نّ نٍيٍ مَ.

⁹ يّتّ مَفٌرٍ، مَلِمَ كٍرٍن ثٍتِ نَ نَشَن بّ، عَ قِسَ يّتّ عِفبٌي بّ، بَلٌي مُ نَ نَشَن يِ رَ.

¹⁰ تِنشِنتْي مّينِمَ نّ عَ شَ شُرُ سٍ مَ، كْنْ مِشِ حَاشِ تَن يَ عِشَرَ.

¹¹ بْشِ رَوَلِ بَلٌي سْتْمَ نّ، كْنْ لْننِتَرٍ بِرَ مَ قٍ قُقَقُ نَن قْشْ رَ.

¹² مِشِ حَاشِ هَرِفٍ قٍنمَ تِنشِنتَرٍيَ رَ، كْنْ تِنشِنتْي سَنكٍيٍ تَن سِفَمَ بْشِ سُشُ رَ نّ.

¹³ قٍ حَاشِ قِندِ مَ فَنتَنيِ نَن نَ مِشِ حَاشِ بّ، كْنْ تِنشِنتْي عَ يّتّ رَتَنفَمَ نّ نَ تْورّ مَ.

¹⁴ وْيّن قَنيِ قِندِ مَ شُننَكٍلِ نَن نَ مِشِ بّ، عَلْ مِشِ تٌ عَ شَ وَلِ سَرٍ سْتْمَ.

¹⁵ لْننِتَرٍ عَ مَحْشُنشِ عَ عَ شَشِلِ قَن، لْننِلَ تَن مَرَ سِ نَن قٍنمَ.

¹⁶ لْننِتَرٍ بْحّ تٍ رَقُرَ، لْننِلَ تَن مُ كٌنبِ يَابِمَ.

¹⁷ تِنشِنتْي نْندِ نَن قَلَمَ عَ بٌورٍ شُن، كْنْ سٍيدٍ بَ حَاشِ وُلٍ نَن تُن مَدْشْمَ.

¹⁸ مِشِ دّ وُيَشِ شَ وْيّنيِ مِشِ مَشْنْمَ نّ عَلْ سَنتِدّفّمَ، كْنْ لْننِلَ تَن شَ وْيّنيِ مِشِ نَن نَيَلَنمَ.

¹⁹ نْندِ قَلّ شَ مَسٍنيِ مُ مَسَرَ مَ، كْنْ وُلٍ قَلّ شَ مَسٍنيِ لُمَ نّ مَسَرَ رَ.