13 Faa ɲɔu ɠɛ nui ɠa ɗa ɠɔ ga tɔ ɓɔɠɔi ná-zɛɛiti ma ʋalii, kɛlɛ sɔle nui ɠa ɗa ɠula faaɓaagiti kpein su.
14 Nui laawooi ʋɔ, toɠa zoo é undaanɛɛ wola ɠaalɛ ba, eɠɛʋelei nu a ɗa ná-botii ma zalai zɔlɔɔ da.
15 Ɠimalala nui ná-pelei zɔlegɛ tɔ ɓɔɠɔi ɠaazu, kɛlɛ ɠima nui ɠa ɗa woilo zɔiti tɛnɛ gooi ma.
16 Ɠimalala nui ɠa ɗa ná-ziiɠaawanai ɠula kɛlɛma gaamago nɔ, kɛlɛ ɠima nui ɠa ɗa ná-daazuɠɔli vaiti buuɓɔle.
17 Nui é gaamai ɠulazu kɛlɛma, naa ɠa telebo fai lɛɛzu, kɛlɛ zɛɛ zeelei ɠa ɗa yaavai ɠɛ.
