9 Paľis džanas pro mariben pro Kanaančana, save bešenas pre brehengeri phuv, andro Negev pre pušťa.
10 Sar o kmeňos Juda geľa pro Kanaančana, save bešenas andro Hebron, so pes angloda vičinelas Kirjat-Arba, ňerinde upral o fajti Šešaj, Achiman the Talmaj.
11 Odarik gele pro mariben pro foros Debir, so pes angloda vičinelas Kirjat-Sefer.
12 Akor o Kaleb phenďa: “Oleske, ko ňerinela upral o Kirjat-Sefer, dava mira čha la Achsa romňake.”
13 Avke o Otňiel, o čhavo le Kenazoskero, savo sas terneder phral le Kaleboske, oda foros zaiľa. O Kaleb diňa peskera čha la Achsa leske vaš e romňi.
