43 Ńsu to màↄ ku sĩana'oanɛ́ saio, asa n ikoyãↄ ↄ̃ ma wɛ́ dↄi.
44 Máↄ n ikoyãↄ kũa za gbã e gↄↄpiiɛ,
45 míↄ bɛ ma laaiwa, asa ma n ↄtondↄkĩi wɛ̀ɛlɛɛ.
46 Má n yã'onɛↄ o kíaↄnɛ, wí a ma kũo.
47 N yãdilɛaↄ ì ma pↄ kɛ na, asa má ye yã́piↄiɛ.
48 Má ye n yãdilɛaↄi ↄ̃ ma ↄdↄi, mi làasookɛ n yãdilɛnɛↄwa.
49 To yã́ pↄ́ ń ò n zↄ̀blenaɛ dↄngu, asa ń tò ma wɛ́ dↄiɛ.
50 Ma nↄ̀sɛ ì níni ma taasikɛa guu, asa n yã́ mɛ́ ì ma lɛ́ ń láo.
51 Waladeↄ lɛ́ ma yáalↄ maamaaɛ, ń beeo má pãalɛ n ikoyãɛo.
52 Mi làasookɛ n ikoyã yãaↄwa, ↄ̃ aaì ma nↄ̀sɛ nínimɛɛ, Dii.
53 Ma pↄ ì pa maamaa vãikɛnaↄ pãkpaa n ikoyãi yã́i.
54 Mi lɛsi n yãdilɛnɛↄ musu ma kua dṹniau bↄ̀mↄ ũ guu.
55 N yã́ ìↄ dↄmagu gwã́, Dii, ↄ̃ miↄ n ikoyãↄ kũa.
