8Susa bilong mipela i liklik yet na susu bilong en i no kamap. Taim em i bikpela pinis, bai mipela i mekim wanem long em sapos wanpela yangpela man i laik maritim em?
9Sapos susa i stap gut olsem banis bilong taun, bai mipela i ken wokim taua silva long dispela banis. Tasol sapos em i olsem dua bilong taun, bai mipela i ken banisim em long ol strongpela plang bilong diwai sida.
10Mi olsem wanpela banis, na susu bilong mi i olsem tupela taua. Pren bilong mi i save gut olsem, taim mi stap wantaim em, mi stap gut tru na bel bilong mi i stap isi.
11King Solomon i gat gaden wain long ples Balhamon. Ol man i laik wokim dispela gaden i mas givim 1,000 kina silva long king.