Solomon 6:1-6

¹Yu naispela meri na yu winim olgeta meri. Pren bilong yu i go we? Em i bihainim wanem rot na i go? Mipela i laik helpim yu long painim em.

²Pren bilong mi i go long gaden bilong en. Dispela gaden i pulap long ol samting i gat gutpela smel. Ol meme bilong en i wok long kaikai gras na em i wok long bungim ol naispela plaua.

³Dispela man em i bilong mi, na mi meri bilong en. Em i kisim ol meme bilong en i go namel long ol naispela plaua na ol meme i wok long kaikai gras.

⁴Pren bilong mi, yu naispela tru olsem gutpela taun Tirsa na Jerusalem. Mi lukim yu i naispela tru, na tingting bilong mi i pas olsem man i lukim bikpela lain soldia i kam wantaim ol plak bilong ol.

⁵Mi no laik long yu lukluk long mi. Yu lukluk long mi na mi pundaun tru long yu. Gras i hangamap long pes bilong yu i olsem wanpela lain meme i amamas na kalap kalap i go daun long ol liklik maunten bilong Gileat.

⁶Ol tit bilong yu i wait tru olsem gras bilong waitpela sipsip ol i bin wasim ol nau tasol. I no gat wanpela tit bilong yu i lus. Nogat. Olgeta i stap gut.