Solomon 3:1-6

¹Olgeta nait mi save slip na driman long dispela pren mi laikim tumas. Na long driman mi painim em long olgeta hap tasol mi no save lukim em.

²Na long driman mi kirap na mi raun insait long taun bilong painim em. Mi wokabaut long olgeta hap bilong taun. Na mi wok long painim dispela pren mi laikim tumas, tasol mi no bungim em.

³Ol wasman bilong taun i lukim mi. Na mi askim ol, “Yupela i lukim pren bilong mi, o nogat?”

⁴Mi lusim ol na mi go na wantu mi lukim pren bilong mi. Mi go long en na mi holimpas em na mi no laik em i lusim mi. Mi bringim em i go long haus bilong mama bilong mi, na mitupela i go insait long rum bilong mama.

⁵Ol meri bilong Jerusalem, yupela i mas ting long ol gutpela wel abus na mekim strongpela promis long mi, bai yupela i no ken kirapim bel bilong mitupela. Dispela i samting bilong mitupela yet.

⁶Wanem samting i lusim ples drai na i kam? Dispela samting i olsem smok i kamap taim ol i kukim olkain paura i gat gutpela smel. Na smel bilong en i olsem smel bilong gutpela paura ol bisnisman i save salim.