18 Mwet na wangin nunak la pa ac orek wulela in akfalye soemoul lun siena mwet.
19 Mwet su lungse ma koluk elos lungse orek lokoalok. Kom fin konkin mwe kasrup lom pacl nukewa, kom purakak lokoalok.
20 Elos su nunak koluk ac kaskas koluk, ac fah wangin ma wo nu selos, a ongoiya mukena.
21 Mwe na asor ac toasr nu sin sie papa ma tulik natul uh oru ma lalfon.
22 Inse engan mwe akkeye monum. A el su kwacna inse toasr, fah akmunasye manol.
23 Mwet nununku sesuwos elos eis mwe eyeinse in lukma. Ke ouinge uh nununku suwohs tiana orekla.
24 Mwet lalkung elos sulela in akwot nu ke soko inkanek lalmwetmet, a mwet lalfon uh takusrkusr ke inkanek puspis.
