Sion 4:5-9

⁵Keko beli, em Galili aneng kolewse ding dim bakate, e Samalia aneng fian em abiw mutuk Sikal em dim mewso kalo unse kale. Ka e, sua kel akate, awalik kumel Sekow e akalem min Yosew elo kawin anung mak dulewse kale.

⁶Yesus em ka bise ding dim bakate, ataan mutuk doung angei, Yesus e unomin em kal e gal kuw kelewse kasike, kawin tem ok dulukabiliw dim ka kel teinse kale. Sua kel akate, awalik kumel Sekow e ok kawin tem be dikese kale.

⁷Keko beli, Yesus em gelewkabiliw kunum i abiw mutuk kalo wanin wem uniwi, esik emikel kuw ka kel teineko, im tolokoliw ding fense kale. Im ding fenbe ding dim bakate, Samalia aneng fian waneng mak ok dam talsu kale. Talui, Yesus em ulo watemse ding dim bakate, e ulo bokoumomele: “Ku ok mak nemena!”, wangeko, dakalase kale.

⁹Dakalase kate, Samalia kawtiw so, Suda kawtiw so, kawtiw bi mewso kelinba kekabiliw kasike, Samalia aneng fian waneng bu yol angeko, bokolewomelu: “Ibo! Ne Samalia waneng nete kate, ku Suda kunum kebelew te. Nimtew angom ete ku nelo ok angom dakalabelew a?”, dangsu kale.