16 Ku ñàkke kersa turu Aji Sax ji, dee rekk mooy àtteem. Mbooloo mi mépp a ko wara dóor ay doj, ba mu dee. Muy doxandéem muy njuddu-ji-réew, ku ci ñàkke kersa turu Aji Sax ji, dee mooy àtteem.
17 «Bu loolu weesee képp ku faat bakkanu nit, dee rekk mooy àtteem.
18 Ku faat bakkanu mala, na fey boroom. Bakkan, bakkan a koy fey.
19 Képp ku gaañ moroomam, la mu ko def rekk lañu koy def.
20 Damm-damm, damm-damm a koy fey; bët, bët a koy fey; bëñ it bëñ a koy fey. Ni mu gaañe moroomam rekk, ni lañu koy gaañe.
21 «Ku rey ag jur na fey boroom, waaye ku rey nit dee mooy àtteem.
