12 I na muxun to naxan a yɛtɛ yatɛxi fekolonna ra, yigin xaxilitaren ma dangu na kanna ra.
13 Muxu narixina a falama nɛn, a naxa, “Yatan kiraan xɔn, yata xaɲɛn taani!”
14 Banxin dɛɛn nabima, a ragalima. Muxu narixin fan luma a maxɛtɛ a sadeni na kii nin.
15 Muxu narixina a yiin sinma donse goronna kui nɛn, koni a tagan a rasoɛ a dɛ.
16 Muxu narixina a yɛtɛ yatɛma fekolonna ra dangu xaxilima solofere ra naxanye yabi faɲi tima.
17 Dangu muxun na sunbu muxu gbɛtɛne yɛngɛn na, na luxi nɛn alo muxun na baren tunle suxu.
18 Daxun naxan tɛɛn nun xalimakunle wolima faxa ti xinla ma,
19 na luxi nɛn alo muxun naxan wulen falama a boden xa, a fa a fala, a naxa, “N yi sabaan nan na.”
20 Yegen na ɲan, tɛɛn tuun nɛn. Muxu mafalan na dan, yɛngɛne fan yi xunbeli.
21 Nafigin yɛngɛn nagboma ayi nɛn alo tigenna tɛɛ wolonna fari, alo yegen tɛɛn dɛ.
22 Nafigina falane luxi nɛn alo donse ɲaxumɛn naxan godon muxun kui.
