1 Xunbenla mi fama kuye wolon waxatini. Tulen mi fama soge furen na. Na ma, xaxilitaren fan mi lan a binyen sɔtɔ.
2 Xa muxun danga xun mi na danga tixin fulama nɛn a ra alo tuntunne na e futuxulu, alo debelenne na tugan.
3 Bosaan lan soon ma, lutin fan lan sofanla ma, xaxilitaren fan bɔnbɛ nɛn alogo a xa xuru.
4 I nama xaxilitaren yabi a xaxilitareyani alogo i nama lu alo a tan.
5 Xaxilitaren yabi a xaxilitareyana fe ra alogo a nama a yɛtɛ yatɛ fekolonna ra.
6 Muxun na xaxilitaren nasiga xɛrayaan na kalan na a ra alo i na i sanna sɛgɛ a ra hanma i se xɔlɛn min.
7 Sandan tɔnɔ mi xaxilitaren ma, alo fanga to mi lɛbutɛnna sanne ra.
8 I na binyen fi xaxilitaren ma, na luxi nɛn alo i na gɛmɛn maxidi lantanna kui a wolideni.
9 Xaxilitarena sandan xɔlɔ nɛn alo wudi ɲali kanna dɔlɔ minna yii.
10 Naxan na xaxilitaren ti wanla ra hanma dangu muxuna, na kanna kalan nan tima alo muxun naxan xalimakunla wolima a xunna yi.
11 Baren xɛtɛma a baxunna ma. Xaxilitaren fan xɛtɛma a xaxilitareyaan ma.
12 I na muxun to naxan a yɛtɛ yatɛxi fekolonna ra, yigin xaxilitaren ma dangu na kanna ra.
