18 alogo Alatala nama na to, na yi raɲaxu a ma, a yi ba xɔlɔxi i yaxun ma.
19 I nama xɔlɔ muxu ɲaxine fe ra, i nama mila e seene xɔn.
20 Amasɔtɔ fe ɲaxi rabaan mi hɛrin lima a yɛɛ ra. Muxu ɲaxine lɛnpun tuma nɛn.
21 N ma diina, gaxu Alatala yɛɛ ra e nun mangana, i nama lu muxu murutɛxine yɛ.
22 Amasɔtɔ e tɔrɔn kelima nɛn sanɲa ma kedenni. Nde nɔɛ a kolonɲɛ Ala nun mangan halagin naxan nagidima?
23 Fekolonne mɔn ito nan falaxi: A mi lan muxune xa rafisa e bode xa kiti sadeni.
24 Naxan na a fala muxu ɲaxin ma, a naxa, “I tinxin,” yamaan nan na kanna dangama, siyane yi xɔlɔ a xili ma.
25 Koni naxan na muxu ɲaxin yalagi, na lanxi. Duba gbeen nan na kanna xa.
26 Yabi tinxinxin ɲaxun alo marafan sunbuna.
27 I ya wanle rakamali tanden ma, i yi i ya xɛɛne yitɔn, na xanbi ra i fa i ya banxin ti.
28 I nama i adamadi boden tɔɲɛgɛ, i wulen nan sama a xun ma ba?
