3 Tinxinyaan nun kiti kɛndɛn saan nafan Alatala ma dangu saraxane ra.
4 Yɛɛ rawason nun yɛtɛ yiteen nan findixi muxu ɲaxine kɛnɛnna ra, anu yulubin nan ne ra.
5 Tunnafan muxuna miriyane findima munanfanna nan na, koni naxan feene rabama mafurani, na sigama yiigelitɔyaan nin.
6 Nafunla naxanye sɔtɔxi wuleni ne findixi fe fu butarene nan na muxune xa naxanye sayaan fenma.
7 Muxu ɲaxine gbalone e ralɔma ayi nɛn, bayo e bata tondi kiti kɛndɛn ma.
8 Yulubitɔne biraxi kira yifuxin nan fɔxɔ ra, koni sɔntarene sigati kiin tinxin nɛn.
9 A fisa i lu banxin fari ma dogodogoni, benun ɛ nun ɲaxalan yɛngɛ gidin xa lu banxin kui.
10 Muxu ɲaxin kunfaxi fe ɲaxin nan xɔn, hali a xɔyin mi kininkininna sɔtɛ a ra.
11 Xa magele tiin saran a fe ɲaxin na, fe kolontarene fekolonna sɔtɔma nɛn. Koni muxun na xaxilimaan xaran tun, a kolonna fari sama nɛn.
12 Tinxinna Kanna muxu ɲaxina denbayaan nakɔrɔsima nɛn, a yi e radinɲɛ ayi e tɔrɔni.
13 Naxan na a tunla dutun sɛnbɛtaren gbelegbele xuiin bun, a tan fan gbelegbelema nɛn, a mi yabi sɔtɔ.
