8 N ma diina, i fafe nɛma i xuru falane tiyɛ, i tuli mati a ra, i nama i ngaa kawandi falane beɲin.
9 E luxi nɛn alo mangaya kɔmɔtina i xunna alo ɲɛrɛna i kɔɛ i maxidi seen na.
10 N ma diina, xa yulubitɔne kata i mayendendeni, i nama tin de!
11 Xa e a fala i xa, e naxa, “Fa nxu fɔxɔ ra! En sa dɔxɔ muxuna nde yɛɛ ra, en yi a faxa. En sa fu sɔntarena ndee ma,
12 en yi e ɲɛɲɛne ralɔ ayi alo gaburun muxun gerunma kii naxan yi, e gbindin birin alo en tan nan yi sayaan na.
13 En se faɲi kɛndɛn sifan birin sɔtɔma nɛn en yi en ma banxine rafe se tongoxine ra.
