San Marcos 16

1

2

3

4

5

6

7

8

9

10

11

12

13

14

15

16

¹Cate' gwde ža c̱he Diosen', María no'ole Magdalan', María xṉa' Jacobo, na' Salomé gosezi'e da' chḻa' zix̱ cont Å¡jaselo'en cuerp c̱he Jesúsen'.

²Na' Å¡ezildao' ža dmigw besežine' cho'a ban', cate' za' chla' gwbiž.

³Na' za' yesežine' gose' ḻježe': ―¿Noxe ca'a yej xen dan' da' cho'a blojen'?

⁴Perw cate' besežine' na' goseṉe'e, besele'ede' yej xen dan' da' cho'a blojen' ba bga'an.

⁵Nach goso'e ḻo' blojen', na' besele'ede' chi' to beṉe' xcuide' šḻa'a ḻicha, nyaze' to lache' toṉ da' Å¡iÅ¡. Na' besežebe'.

⁶Na' bena' gože'ne': ―Bitw žeble. Cheyiljwle Jesús beṉe' Nazaret ben' bosode'e ḻe'e yag cruz. Perw ba bebane'; notoch no nḻa' nga. Ḻe ṉa' gan' gosex̱oe'ne'.

⁷Ḻe Å¡jaya'ac na' ḻe ye' beṉe' ca' gosaque' ḻe' txen, na' len Pedron', gwyobech Jesúsen' yežine' Galilea clel ca ḻegaque'. Na' Galilean' na' yesele'ede'ne' can' gwnacze'.

⁸Nach no'ol ca' chosyoxoṉjsese' besyeya'aque' cho'a blojen', ḻe chesexiztite' besežebe'. Na' notno gose'e ca', ḻe besexožde'.

⁹Beyož beban Jesúsen' ladjo beṉe' guat ca' Å¡ezildao' ža dmigw, Jesúsen' blo'elagüe' da' nechw len María no'ole Magdalan', ben' bebeje' gaž da' x̱igüe' yo'o nyaze'.

¹⁰Na' María nga jatix̱jue'ede' beṉe' ca' ba gosenita' len ḻe'. Zjanita'yaÅ¡e' na' chesebeže' cate' bžine'.

¹¹Na' cate' gosende' be'e diža' mban Jesúsen' na' gosende' be'e dižan' can' ba ble'ede'ne', bi gosejḻe'e.

¹²Beyož goc ca', c̱hop beṉe' ca' gosaque' Jesúsen' txen zjangüe'e nez yix̱e' cate' Jesúsen' blo'elagüe' ḻegaque', na' nža'le besele'ede'ne'.

¹³á¸ºecze ḻegaque' ja'aque' jasedix̱jue'ede' beṉe' yezica'chle, perw ṉeca gosejḻe'e c̱hegaque'.

¹⁴Gwdena' beṉe' Å¡nej ca' gwlej Jesúsen' cont zjanaque' ḻe' txen zjachi'e cho'a mes chesagüe' cate' blo'elagüe' len ḻegaque'. Na' gwdiḻe' ḻegaque' da' bi chesejnilaže' ḻe' do yic̱hj do laže' na' zjanaque' laždao' c̱hac̱h, ḻe bi gosejḻe'e c̱he beṉe' ca' besele'ede'ne' ba bebane' ladjo beṉe' guat ca'.

¹⁵Na' gože' ḻegaque': ―Ḻe Å¡ja'ac doxen yežlio, na' ḻe Å¡jatix̱jue'e diža' güen c̱hia' len yogo'ḻoḻ beṉe'.

¹⁶Beṉe' ca' yesejnilaže' neda' na' yesezoe' nis, gata' yeḻa' mban c̱hegaque' toḻi tocaṉe. Perw beṉe' bi chesejnilaže' neda', yesebiaye'e.

¹⁷Na' beṉe' ca' chesejnilaže' neda', yesyega'aṉlene' da' qui: Yeso'e la' na' yesyebeje' da' x̱igüe' yo'o nyaz beṉe'; yeseṉie' diža' cobe da' bi zjansede';

¹⁸na' Å¡e yesox̱e' no beḻ znia, o Å¡e yese'eje' da' nac venen, bibi yesacde'; na' ḻecze yesex̱oa taque' yic̱hj beṉe' chese'e na' yesyeyacde'.

¹⁹Beyož bÅ¡aljlene' ḻegaque', X̱ancho Jesúsen' begüe' yaba, na' gwchi'e cuit Diosen' šḻa'a ḻicha.

²⁰Na' beṉe' ca' zjanaque' ḻe' txen besežaÅ¡e' na' jasedix̱jue'ede' diža' güen c̱he' doxen. Na' cuin X̱ancho Jesúsen' goclene' ḻegaque' gosone' yeḻa' guac cont gosejḻe' beṉe' ḻe nac da' ḻi dižan' goso'en. Da' na'zen' chzoja'.