12Je² xi³ qui³tsao³ntai³ ntia⁴²-ve⁴, je²-vi⁴ xi³ nčhˀoe¹, cˀoa⁴ ja⁴cjoan² nčhoa¹ nai⁴², cˀoa⁴ fa³ˀa¹xin²-le⁴ ni⁴ma⁴-le⁴ je² en¹, jme¹-ni³ nca³ tsi² ma³cjain¹-si¹ni³le⁴, cˀoa⁴ nca³ tsi² vi³tjo³ntjai²-si¹ni³.
13Je² xi³ qui³tsao³son² jña³ la⁴jao⁴ chon³, je²-vi⁴ xi³ qui³nčhˀoe¹ cao⁴ cjoa⁴tsjoa³, qui³scoe¹ en¹-ve⁴, to⁴nca³ tsin²-le⁴ ja⁴ma⁴. To⁴jnco³jao² ni⁴čhjin³ ma³cjain¹-le⁴, cˀia⁴ nca³ ni⁴čhjin³ nca³ cho²tˀa³ vi³tjo³xin².
14Je² xi³ qui³tsao³jin³ na³ˀya¹, je²-vi⁴ xi³ qui³nčhˀoe¹, to⁴nca³ cˀia⁴ nca³ tjio¹fi²-sa³, je² cjoa⁴ni²cjao²jin³ cao⁴ cjoa⁴nchi⁴na¹ cao⁴ cjoa⁴tsjoa³ xi³ tsˀe⁴ son³ˀnte³ vˀe¹chjoa²-le⁴, li²coi³ ma³jcha¹ to³-le⁴.
15To⁴nca³ je² xi³ qui³tsao³jin³ jña³ nta³ na³nqui³, je²-vi⁴ xi³ tjin¹-le⁴ ni⁴ma⁴qui²xi⁴ xi³ ña³qui³ nta³, xi³ nčhˀoe¹ en¹, xi³ vˀe¹jin³con³ en¹, xi³ cˀoa⁴sˀin¹-ni³ cjoa⁴tse³jta³ cjoa⁴ xi³ nta³ tjin¹.
16Ni⁴ˀya³-jin² xi³ va³ca¹ lˀi¹ xi³ vˀe¹jtsa³nqui³-ni³ cao⁴ tso³jmi², a³xo⁴ na⁴chan³ vˀe¹jna³ˀma³nqui³, to⁴nca³ ˀnte³-le⁴ mi³ncha¹ya³, jme¹-ni³ nca³ je² xi³ fa³ˀa³sˀen³ scoe⁴-si¹ni³ lˀi¹.
17Li²jme³ xi³ tjin¹ xi³ ti¹jna³ˀma³ xi³ tsi² sˀe⁴son²tsen³, ni⁴cjoa⁴ xi³ qui³sˀe³ˀma³ xi³ tsi² jcha⁴-le⁴, xi³ tsi² cjoa⁴ˀai¹-le⁴ lˀi¹.
18Ti⁴coi²ntao⁴³ tso²cˀoa⁴ jo³-sˀin² no²ˀyao²³. To⁴ˀya³-ni³ve⁴ xi³ tjin¹-le⁴, cˀoai⁴-sa³le⁴. Cˀoa⁴ je² xi³ li²jme³ xi³ tjin¹-le⁴, tjo¹xin²-le⁴ sa³ˀnta³ je² xi³ tjin¹-le⁴, ma³-le⁴.
19Cˀia⁴ ja³ˀai³con²-le⁴ Jesús na⁴-le⁴ cao⁴ ntsˀe⁴. Li²coi³ coan³-le⁴ ji³cho²nčhˀoe² Jesús, nca⁴ nˀion¹ ncjin² ma³-ni³ cho⁴ta⁴.
San Lucas 8
San Lucas 8:12-19