SAN LUCAS 2:47-51

⁴⁷Namin sa̱hn chahn ne, retumarune se ihyan, ne a̱ma rahn ino se yahn che a̱ma va vededevano yahn ye ma̱n, yahn ndudo che rendahconan ye ma̱n.

⁴⁸Cuahn che ndihchero José nduco María che min quenun ye ne, a̱ma chahn ino ye, ne ra̱hn María: ―Da̱yá, ¿dehco che tihca̱ din nduco nuhn?, te u nduco chide, a̱ma chuhrihn nuhn, rendedecadino nuhn cave, rinuhn nuhn di.

⁴⁹Ndahconan Dihvo vo yahn ye: ―¿Dehco che rinuhn nchuhn u? ¿A hua devano te na̱n ntiyon yahn Chidá va che conán?

⁵⁰Ate hua chenahn ihyan chahn deh cuande che tihca̱ ra̱hn ye.

⁵¹Tuhme cona̱hn ye nduco ihyan chahn ya̱n va̱co ye, Nazaret. Quendi redinahn ye che ra̱hn ihyan chahn, ne quenun ino María nducuahn.