1Imoxoyo baja pevajënae Jesús penaexanaejavanexa. Nexata bajarapamatacabijava Romanonacua pepo pevetsinë, Augusto, taxuxuaba pijajivi pitorobijava jivi petonamataëjëtsinexatsi. Jumaitsi pijajivijavabelia: —Daxitajivi, pamonae taevetsinacuanëjava jinavanapa, panetonamataëjëtsianame, jai.
2Bajarapamatacabi pijinia nacuaevetsinë Cireniovënënë saicaya itsanacua eveta, Siriavënënacua.
3Nexata nacuaevetsinë Augusto pevetsinacuanëjava penaetomaranëta pejinavanapaevi, apo jinavanapae ëpijatomaranëjava. Itsamonae najinavanapa itsatomaranëjava. Bajaraxuata pamonae najinavanapa itsatomaranëjava, caejivi canacujitsia, pijasalinaivimi pijatomaranëjavabelia pona. Bajarapamonae pona penamataëjëtsinexatsi pijasalinaivimi pijatomaranëjava.
4Bajaraxuata José ata barëpona Belén tomarabelia. José barënaropota Nazaret tomarata, Galilea nacuata peecaetomarata. José barëpona Belén tomarabelia, Judea nacuata peecaetomarabelia. Tsipaji baja cajena José pijasalinainëmi, Davidpijinë, bajayata Belén tomarata ponapona.
5JosĂ© barĂ«pona MarĂa, pova pita pijavanexa. Bajarapova yacotapona itsa baja imoxoyo pevajĂ«nae penacueto pevecuanaexanaenexatsi.
6Nexata baja itsa patabeje BelĂ©n tomarata, ponaponabeje dajubi pevetabiabibota. Tsipaji baja pabota jivi patabiaba, pevajĂ«naebeje baja jivi yavĂ«nĂ«ca. Nexata apo nayacaĂ«jĂ«paetsibeje bajarapabota penaecaenexabeje. Bajaraxuata patabeje dajubi pevetabiabibota. Nexata dajubi pevetabiabibota MarĂa jane baja vecuanaexanatsi penacuetonĂ«yo, copiaya penacoxitsinacueto. BarĂ«eca dajubi pevetabiabibota. Jumaquioneta papaĂ«bĂ«rĂ«panaxita. Buateta dajubi pexaejavanexa pemitsaothocabiabimoĂ«nĂ«ta.
8Belén tomarajumaverena imoxoyovayafota, oveja pevetsivi evetavanapa. Bajarapamonae meravi nacobenaevetabiaba pijaovejabitsaëtonë.
9Jemata oveja pevetsivi tsitanaitajëtatsi Dioso pijaángel. Nexata Dioso pijapenivenivenaecotia oveja pevetsivi matatoyorotsia itayotatsi. Najunaviaca bajarapamonae pinijicuenia.
10Nexata ángel jumaitsi oveja pevetsivijavabelia: —Pëtsa panajunaviacame. Pexanialivaisi raja pacatocanajetarucatsi pesivabarëyanexa daxitajivi.
11Ajena rabaja, mapameravitaje, naexana baja daxitajivi pecapanepaenënexa. Naexana Belén tomarata, patomarata bajayata nacuaevetsinëmi Davidpijinëmi ponapona. Ponë naexana, bajaraponë pepo petuxanenë Cristo, Dioso athëbëvetsica pitorobinëtsitsica jivi pecapanepaenexa.
12Paneyapëtaenexa pacuenia pacatsipaebatsi, penacuetonëyo pataeyabuatetsianame mapacueniaje. Penacuetonëyo pataeyabuatetsianame papaëbërëpanaxita pejumaquionaenacuetonëyotsi. Boquecaena dajubi pexaejava pemitsaothocabiabimoënëta, jai ángel oveja pevetsivijavabelia.
13Bajara saya jota jemata oveja pevetsivi tsitanaitajëtatsi ayaibitsaëtoxaneto ángelevi, copiaya petsipaebiángelnëtsijavata. Bajarapamonae ángelevi pexaniajamatabëcuene rajuta Diosojavabelia. Penaxëanaejavata ángelevi jumaitsi mapacueniaje:
14¡Dioso, athëbëtatsia peecaenë, pinijicuene rabaja exana! Pamonae Dioso jumecovënëta, Dioso sivajamatabëcuenebarëyatsi. Daxita bajarapamonae jamatabëcuenexanepanaeya jinavanapaeyaexanaena Dioso, jai ángelevi penaxëanaejavata.
15Itsa baja ángelevi naviaba athëbëabetsia, oveja pevetsivi ángelevi pecovëta najumaitsi: —Ponaliatsi Belén tomarabelia. Taenatsi pecopiapatsijava pacuene yabara vajatuxanenë Dioso pitorobiángelnëtsica nacatsipaeba, najai oveja pevetsivi ángelevi pecovëta.
16Nexata bajarapamonae bepijiayo ponalia BelĂ©n tomarabelia. Pata itsajota MarĂabeje JosĂ©beje barĂ«ecabeje penacuetonĂ«yo. PenacuetonĂ«yo boqueca dajubi pexaejava pemitsaothocabiabimoĂ«nĂ«ta.
17Oveja pevetsivi itsa taeyabuateta penacuetonëyo pacuenia baja cajena ángelnë tsipaebatsi, nexata pona petsipaebaponaenexa daxitajivijava pacuenia bajarapanacuetonëyo taeyabuateta.
18Nexata daxita pamonae jumetane oveja pevetsivi pepaebilivaisi, jamatabëcuenenabenajaca.
19MarĂa baja cajena pejamatabĂ«Ă«thĂ«tota yapĂ«taeponapona daxita bajarapacuene yabara.
20Oveja baja pevetsivi naviabaponalia. Oveja pevetsivi namutualia jumai tsanajetarubenae Diosojavabelia: —Diosomë, bitso ayaijamatabëcuenenëmë. Pexaniajamatabëcuene pacarajutatsi patanetoexanaexaemë pexaniacuene, jai tsaponaelia oveja pevetsivi. Bajarapacuenia jumaitsi tsipaji baja tane daxita pacuenia ángelnë tsipaebatsi.
21JesĂşsnexa penaexanaecujinae, ocho matacabita, perabĂ«caucutatsi judĂovicuenia. Baitsi boupiperabĂ«caucutatsi. VĂ«nĂ«rubatsinua jane baja pevĂ«nĂ« pexainaenexa. VĂ«nĂ«rubatsi “JesĂşs,” pejaivĂ«nĂ«ta. Tsipaji baja cajena abaxĂ« MarĂa nacoxitsinejeva JesĂşsnexa, tajĂ«velia ángel jumaitsi MarĂajavabelia: “BajaraponĂ«yo vĂ«nĂ«rubianame JesĂşs,” jai.
22Nexata jane baja tocopiajopatsibeje JosĂ©beje MarĂabeje pexanaenexabeje pacuenia bajayata Dioso MoisĂ©spijinĂ«ta penajumecopatsilivaisi itorobatsi daxita judĂovi pexanaenexa penacuetonĂ«yo itsa tonaexanatsi. Nexata JerusalĂ©n tomarabelia barĂ«ponabeje penacuetonĂ«yo. Nexata JerusalĂ©n tomarata, templobota, MarĂa ofrenda rajuta Diosojavabelia penajamatabĂ«cuene xaniavaetsinexa Diosojavabelia. Rajutabejenua penacuetonĂ«yo Diosojavabelia pijajivitonĂ«nexa petonacuenebinexa itsa penaveretsinĂ«.
23Bajarapacuenia JosĂ©beje MarĂabeje exanabeje tsipaji Dioso MoisĂ©spijinĂ«ta penajumecopatsilivaisi jumaitsi: “Penacasabijivibeje pexi itsa xainabeje, nexata copiaya panacuetonĂ«yo xainabeje, totsatsibeje Dioso pijajivitonĂ«nexa,” jai.
24JosĂ©beje MarĂabeje rajutabeje ofrenda Diosojavabelia pacuenia Dioso MoisĂ©spijinĂ«ta penajumecopatsilivaisi itorobatsibeje. Rajutabeje tsiquiriviria ucucutoyobeje. Itsa jume, rajutabeje meta pinijiyoviria ucucutobeje.
25Bajarapamatacabi ponapona JerusalĂ©n tomarata SimeĂłnvĂ«nĂ«nĂ«. BajaraponĂ« jumecovĂ«nĂ«tsiaponapona pacuenia Dioso pejumelivaisibaxutota jumaitsi. Nexata bajarapamatacabi Israelnacua eveta Romano nacuaverena Ă«pepatsivi. Nexata Romano nacuaverena pepatsivi pevetsixae Israelnacua, bejiobiaexanabiabatsi Israel nacuapijivi. Bajaraxuata SimeĂłn copiaevetaponapona Dioso pejamatabĂ«cueneta petovecuajutsinexatsi Israelnacua pevetsivi. Nexata baja Romano nacuaverena pepatsivi, pevecuapitsapaenexa Israelnacua pevetsicuene. EspĂritu Santo yajavaponaponatsi SimeĂłn.
26Nexata EspĂritu Santo pejamatabĂ«cueneta SimeĂłn tajĂ«velia yapĂ«taeyaexanatsi pacuenia SimeĂłn petĂ«paevajĂ«nae taejitsia Cristo, ponĂ« Dioso athĂ«bĂ«vetsica itorobiapaebica jivi pecapanepaenexa.
27Nexata EspĂritu Santo pejamatabĂ«cueneta SimeĂłn joneyaexanatsi temploboyabelia. Bajaraxuata SimeĂłn tane MarĂabeje JosĂ©beje pebarĂ«jonejavatabeje JesĂşsnĂ«yo temploboyarena pexanaenexabeje pacuenia Dioso MoisĂ©spijinĂ«ta penajumecopatsilivaisi itorobatsibeje.
28Nexata Simeón isapita Jesúsnëyo. Pexaniajamatabëcuene rajuta Diosojavabelia. Pexaniajamatabëcuene Simeón perajutsijavata Diosojavabelia, Simeón jumaitsi mapacueniaje:
29Tajatuxanenë, baja rajane netocopatsianame nijajivitonënë jamatabëcuenexanepanaeya tatëpaenexa. Tsipaji baja netaeyaexaname pacuenia baja cajena tajëvelia najumecapanepaeya nejumaitsimë.
30Taitaxutota rabaja taniji maponëje, ponë itorobimica jivi pecapanepaenënexa xamëjavabelia.
31Ponë itorobimica jivi pecapanepaenënexa, daxitajivi taenatsi.
32MaponĂ«je petsipaebilivaisita, pamonae apo judĂovi ata, jamatabĂ«cueneitayotsiana. YapĂ«taeyaexanaena pacuenia jamatabĂ«cueneitsimĂ«. Nexata maponĂ«je pejamatabĂ«cueneta apo judĂovi yaiyataena nijajivi judĂovi, jai SimeĂłn templobota Diosojavabelia pexaniajamatabĂ«cuene perajutsijavata JesĂşsnĂ«yo yabara.
33Nexata JosĂ©beje MarĂabeje itsa jumetanebeje bajarapacuenia SimeĂłn pejumaitsijava JesĂşsnĂ«yo yabara, jamatabĂ«cuenenabenajacabeje.
34Bajaraxuacujinae SimeĂłn tovajĂ«ta Diosojavabelia peyavenonaenexatsibeje JosĂ©beje MarĂabeje, JesĂşsnĂ«yo yajava. Bajaraxuacujinae SimeĂłn jumaitsi MarĂajavabelia: —MapanacuetonĂ«yoje, Dioso itapetatsi. MaponĂ«je petsipaebilivaisi jivi ayaibitsaĂ«toxaneto apo jumecovĂ«nĂ«tsi tsanetsi. Nexata jivi ayaibitsaĂ«toxaneto naxuabiana, Israel nacuapijivi. AyaibitsaĂ«toxaneto pijinia jumecovĂ«nĂ«tsianatsi. Nexata pijinia ayaibitsaĂ«toxaneto capanepaena. MaponĂ«je Dioso pesaĂ«ta pinijicuene pexanaejava, tsitaexanaena jivi peyapĂ«taenexa Dioso pitorobinĂ«tsitsica. MaponĂ«je itajĂ«tsiana pacuenia jivi ayaibitsaĂ«toxaneto, caejivi canacujitsia, bĂ«pĂ«nĂ«a pibisiajamatabĂ«cuene najamatabĂ«xainabiaba. Jivi ayaibitsaĂ«toxaneto apo jumecovĂ«nĂ«tsi tsanetsi. Pibisiacuenia saya baranatsipaebianatsi. MarĂa, xamĂ« nexata pepo nejamatabĂ«Ă«thĂ«tojavavetsina bitso sivajamatabĂ«cuenebĂ«jamĂ« tsane itsa yapĂ«taename pacuenia exanaejitsiatsi, jai SimeĂłn MarĂajavabelia JesĂşs yabara tajĂ«velia pevajunupaebijavata pacuenia JesĂşs exanaejitsiatsi.
36Bajara pijinia pamatacabi templobota ponapona Diosojumepaebiva profetava, Anavënëva. Bajarapova Fanuelpijinë pexënatoyo, Aserpijinë pemomoxiyajuvënëva. Bajarapova bitso baja perujuva. Ochenta y cuatro baja pavaibeje xaina. Nacasaba picani abaxë itsa pejanava. Penacasabicujinae siete pavaibeje pepuaxainae pamonajavabelia, vecuatëpatsi pamona. Itsajavabelia apo vecuaponabiabi templobo. Matacabijebi, meravijebi yajava, Dioso tonacuenebabiaba templobota. Itsajavata pexaejava apo xaeyabiabi pamatacabibeje vajëcabiaba Diosojavabelia.
38Nexata bajarapova ata pata itsajota JosĂ©beje MarĂabeje nucabeje templobota. SimeĂłn pisanucaejavata JesĂşsnĂ«yo, isataenuta bajarapova. Nexata bajarapova pexaniajamatabĂ«cuene rajuta Diosojavabelia JesĂşsnĂ«yo yabara. Romano nacuaverena pepatsivi Israelnacua pevetsixae, Israel nacuapijivi copiaevetavanapa Dioso pejamatabĂ«cueneta petovecuajutsinexatsi, nexata baja Romano nacuaverena pepatsivi pevecuapitsapaenexa Israelnacua pevetsicuene. Nexata daxita pamonae copiaevetavanapa Dioso pejamatabĂ«cueneta petovecuajutsinexatsi Israelnacua pevetsivi, daxita bajarapamonaejavabelia, bajarapova tsipaebabiaba JesĂşsnĂ«yo pelivaisi.
39JosĂ©beje MarĂabeje JerusalĂ©n tomarata templobota exanaeveretabeje baja daxita pacuenia Dioso MoisĂ©spijinĂ«ta penajumecopatsilivaisi itorobatsibeje. Nexata baja pijatomarabelia JesĂşsnĂ«yo barĂ«naviatabeje, Nazaret tomarabelia, Galilea nacuata peecaetomarabelia.
40Nexata jane baja Jesúsnëyo vitsaba Nazaret tomarata. Ajamatabëcuenesaë tsaponae Dioso pijacuene yabara. Jamatabëcuenevitsabaponanua. Dioso yavenonaponatsi ayaicuenia.
41Caevai canacujitsia JosĂ©beje MarĂabeje ponabiababeje JerusalĂ©n tomarabelia. Ponabiababeje pascuavĂ«nĂ«fiesta penataeyabiabinexabeje.
42Nexata baja Jesúsnëyo doce pavaibeje itsa xaina, barëponabeje icatsia Jerusalén tomarabelia pascuafiesta penataenexa.
43Itsa baja copiaruca pascuafiesta, daxita baja penataevi bajarapafiesta, naviaba baja pijabonĂ«javabelia. Nexata JesĂşsnĂ«yo nacopatanucalia JerusalĂ©n tomaratalia. MarĂabeje JosĂ©beje abaxĂ« apo yapĂ«taebeje JesĂşsnĂ«yo pevecuanacopatsijavatsiliabeje.
44Jamatabëjumaitsibeje saya: —Jesúsnëyo raeta nanajetaruca vajanajuaponaevita, jamatabëjaibeje. Bajaraxuata caematacabi baja pepuaponaebeje namutua, itaxanabeje Jesúsnëyo. Nexata yanijobabeje pijamonaejavabelia, peyapëtaevitsibejejavabelia ata.
45Itsiata apo caxitajarabibeje. Nexata naviatecabeje Jerusalén tomarabelia pejaitsinexabeje Jesúsnëyo.
46Acueyabi matacabita caxitajarababeje templobota. JesĂşsnĂ«yo naeca judĂovi pecujarubivi tuatuajĂ«ta. Jumetaeyeca bajarapamonae penabarĂ«cuaicuaijailivaisi. Nexata JesĂşsnĂ«yo yanijobapona bajarapamonae penabarĂ«cuaicuaijailivaisi yabara.
47Nexata daxita JesĂşsnĂ«yo pejumetaeyenaevitsi, taeyena JesĂşsnĂ«yo xaniavaetsia pejumeyapĂ«taejava judĂovi pecujarubivi penabarĂ«cuaicuaijailivaisi. Taeyenanua xaniavaetsia pejumecanaviataponaejava, abaxĂ« tsiquirinĂ«yovajĂ«to ata. Bajaraxuata jamatabĂ«cuenenabenajaquena bajarapamonae.
48JosĂ©beje MarĂabeje itsa tanebeje bajarajota JesĂşsnĂ«yo penaecaejava, nexata jamatabĂ«cuenenabenajacabeje. MarĂa nexata jumaitsi: —TaxĂ«nato, Âżdetsa xuajitsia panevepĂ«nacoparemenabeje? PaxanĂ«beje patacajaitarutsijavatabeje, bitso pacaitaxanatsibeje, jai MarĂa.
49Nexata Jesúsnëyo jumaitsi penajavabelia: —¿Detsa xuajitsia bajarapacuenia panejaitarutamebeje? Panejaitsipamebeje raja mapabotaje. Tsipaji raja xanë taxa Dioso pijacuene taexanaenexa mapabotaje, nejamatabëcueneenabiaba, jai Jesúsnëyo.
50Itsiata bajarapajivibeje apo jumeyapëtaebeje pajamatabëcuene yabara jumaitsi Jesúsnëyo.
51MarĂa baja cajena pejamatabĂ«Ă«thĂ«tota yapĂ«taeponapona daxita bajarapacuene yabara. Nexata baja bajarapajivibeje pepĂ«ta JesĂşsnĂ«yo napona baja Nazaret tomarabelia. Nazaret tomarata JesĂşsnĂ«yo xaniavaetsia jumecovĂ«nĂ«tsiaponapona pacuenia JosĂ©beje MarĂabeje itorobabiababeje.
52Jesús abaxë vitsabanajetaruca. Jamatabëcuene vitsabanajetarucanua. Nexata Dioso pexaniajamatabëcuenia tanetsi. Daxita pamonae Jesúsnëyo yapëtanetsi, pexaniajamatabëcuenia tanetsi.
