San Lucas 16:12-17

¹²Na' shi bi chonle ka chiyaḻ' kon yeḻ' shawaa nak lall' na'le yell-lioni, ¿nakra gon Chioza' goṉe' le' yeḻ' shawaa daa gaki c̱hele?

¹³’Aga ga zoa to beṉ' wḻane' xshin c̱hop beṉ', ḻa' wakzbanile' beena' to, na' gakchile' beena' sto, wa gone' xshin beena' to do lallee na' xshin beena' sto gone'n nakzi. Aga wak gonle ka cheeni Chioza' shi ḻe chzelall'le yeḻ' wni'ana'.

¹⁴Na' fariseoka' ḻe chzelall'gake' mecha', na' ka bengakile' dillaa choe' Jesúza', bxillgakile'ne'.

¹⁵Na'ch che' Jesúza' ḻegake': ―Ḻa'kzi nale nakle beṉ' wen, Chioza' ṉezile' nakan nak yic̱hjlall'do'lena'. Ḻa' daa chaki beṉ' yell-lioni nakan dii llialote, ḻeyeṉ'lannan' chakzbani Chioza'.

¹⁶Na' ḻekzka' che' Jesúza': ―Leya' na' daa bli' bsedi dii beṉ'ka' wdix̱jee daa goll Chioza' ḻegake', ḻegakannan' wṉabia'gakan ax̱t ka bllin lla bid Juanna'. Na' ka bid Juanna', wzolo chzenag beṉ' dill' wen dill' kob c̱he yeḻ' wṉabia' c̱he Chioza', na' chongake' to dii byen kwenc̱he iṉabi'e ḻoo yic̱hjlall'do'eka'.

¹⁷’Dii ḻi nia' le', ḻobe'ch te c̱he yabana' len yell-lioni, aga ka daa tegonz shc̱ho'a daa na leya'.