SAN JUAN 8:24-36

²⁴Tsʉ 'wii'¹³ joon fuu²¹²uu 'naa' mi júun²naa' røø²¹moo' tsaa². Mi júun²naa' røø²¹moo' tsaa² tsʉ jo mo galijai'² galɨ́ɨ²naa' jna jiin'¹³ la lɨ' 'e lɨ́ɨ¹na.

²⁵Joon gaunngɨɨ¹ɨ 'in tsá² do: ―¿'Iin‑gɨ 'nʉ joon? Joon gajin'² Jesús: ―Ca la mo 'wii²¹²mo gafuu²¹²uu 'naa' 'iin jna.

²⁶'Láa²mo 'nogɨ 'e 'ná¹ fuu²¹²uu 'naa' xiiala lɨ́ɨ¹naa'. Pe fuu²¹²uu 'naa' tsá² taan²¹²in juncwii²¹ jiin'¹³ 'e ninúu³oo faa'²¹a 'in gasii¹in jna joon jmai'² 'e ja'²mo faa'²¹a 'ido.

²⁷Pe 'in tsá² do jo mo ga'øøi'²¹‑tsi 'e faa'²¹a 'ido cwáain¹ tya' Ñʉ'¹ʉ'.

²⁸Tsʉ 'wii'¹³ joon gajin'² Jesús sɨɨ²¹ɨ 'in tsá² do: ―Mi saa'¹³naa' jna, 'in Ruu'²¹i Tsá², joon ilicwii¹naa' jna jiin'¹³ la lɨ́ɨ¹na. Joon iliñí²ii' 'e jo jmóo³oo ce jiin'¹³ coon²¹ 'e 'øøi'²¹‑tsii 'ñii'a. Pe jiin'¹³ 'e ga'e'²e Ñʉ'¹ʉ' jna fuu²¹²uu 'naa'.

²⁹Tsʉ 'in gasii¹in jna 'ii‑o ngɨ¹ɨ coon'¹³ jna. Joon Ñʉ'³ʉʉ jo mo gatíuu²i jna 'ñii'a, tsʉ jna jmóo³oo jiin'¹³ 'e 'yaai¹‑tsi.

³⁰Joon mo gajin'² Jesús 'elo 'áa¹mo fúui¹ 'in jo'¹ galɨ́¹i 'ii.

³¹Joon gajin'² Jesús sɨɨ'²¹ɨ 'in tsá² Israel 'in jo'¹ galɨ́ɨ¹i 'ii: ―Wa gasii'¹³naa' yaanaa' tá², jo tʉ́ʉ²ʉʉ' 'e nigafuu²¹²uu 'naa', nilíin²naa' tsá² tyiia 'e la jai'².

³²Joon iliñí²ii' la jai'², joon coon'¹³ 'e la jai'² do iláa²moo'.

³³Joon gajin'² 'in tsá² do: ―Jún² tya' Abraham‑mo jna'a, joon ce jiin'¹³ cafu jo mo gajmoo²¹o'o to² tya' 'in seein²¹ fuu²¹ xiia' wa 'nogɨ 'e láa²na'a. ¿'Ee lɨ'ɨ 'e fu'²'u jna'a 'e láa²na'a?

³⁴Joon gajin'²in Jesús: ―'E júu³ ja'²mo fuu²¹²uu 'naa' lo, jileei'²¹ 'in 'lá¹a tsaa² tyí¹ jo la tɨ́¹i coon'¹³ tsaa² tya'a.

³⁵Jaain²¹ tsa'leei'¹³ jo jmɨɨ²¹² wa'a ilíin² tsá² inʉʉ. Pe jaain²¹ jóon¹on tsá² 'in lɨ́ɨ¹i tsá² inʉʉ coon²¹ tøø²mo 'i.

³⁶Joon wana 'in Jóon¹on Dios jmaa¹a láa²naa', joon la joon 'e ja'²mo 'e in láa²naa'.