34Namehhuan nannechtemosque huan ahmo nannechahsisque, tleca ahhuel nanyasque canin nehhua niyes.
35Oncan in judeahtecos opeuque motlahtlaniyahque san ic yehhuan: ―¿Canin yas inin tlacatl mach ahhuel ticahsisque tehhuanten? Cox, ¿yas mochantis inuan in judeahtecos aquihque chantihtoque ihuan in griegohtecos, ic quinmachtis in griegohtecos?
36¿Tlen quihtosnequi inon tlen otechiluic: “Nannechtemosque huan ahmo nannechahsisque, tleca ahhuel nanahsisque canin niyes”?
37Ic tlantiu in iluitl ocachi oquihueyichiuque. Ipan inon tonali Jesús omoquetzaloc huan omihto ica chicahuac tetlahtol: ―In tla aquin amiqui, mahualau ica nehhuatl huan maatli.
38Quenin quihtohua in Tlahcuilolamatl, in aquin nechneltocas, ipan iyolo panquisas quen ameli den atl tlen quitemaca yancuic nemilistli.
39Ic inon Jesús omihtosnequiyaya quen in aquin teneltocasque, yehhuan teselisque in Itiotonaltzin Dios. Ayamo ohualahtoya in Itiotonaltzin tleca in Jesús ayamo mocuepalo neluicac.
40Ihcuac oquicajque inon, sequin den inon miyacatlacatl oquihtohque: ―Ic nele inin tlacatl yehhua in tlayolchicauqui tlen hualasquiyani.
41Huan oc sequinten oquihtohuayahque: ―Inin yehhuatl in Cristo. Huan oc sequinten oquihtohque: ―Huan ahmo quixohuani den Galilea in Cristo.
SAN JUAN 7
SAN JUAN 7:34-41