San Juan 6:9-14

⁹—Co chĩhivahe vɨreco cinco pan, iyavei ñuvɨrío pira, ¿iyacatura vo co ava retacuer? —ehi.

¹⁰Evocoiyase aipo ehi: —Pemombehu opacatu upe toguapɨ yuvɨreco —ehi güemimbohe upe. Capihi reimesave opa omboguapɨ yuvɨreco cinco mil ava.

¹¹Evocoiyase oipɨsɨ cinco vahe pan, “Avɨye ndeu” ohe pare Vu Tũpa upe, opa ombohi-mbohi imondo ava rehɨi upe. Ẽgüe ehi avei pira upe, imondopa semimbotar rupi-rupi yuvɨreco.

¹²Opase ava ihɨ̃taro, —Pemonuhapa sumbɨrer iyemombucaẽhɨ ãgua —ehi güemimbohe upe.

¹³Evocoiyase omonuha doce ɨruova sumbɨrer yuvɨreco pan cincomi vahe sui.

¹⁴Evocoiyase ava eta co poromondɨisa guasu Jesús rembiapo repiase, aipo ehi yuvɨreco: —Supi eté co uve revo acoi: “Oura Tũpa ñehe mombehusar ɨvɨ pɨpe” ehi icuachiaprɨ aracahendar pɨpe —ehi yuvɨreco.