San Juan 6:13-21

¹³Cinco chara pippa sarɨt pantas tizat akwa, uspane pitti pitti sakkat kit doce tɨmta winñara.

¹⁴Suasne Jesús iztasparɨt kal kirɨt aizpa izarawane, awane kaizara: —Watcha. Usne Dios pit kainammmika i. Diosne ussa kin nam kit au sukin ɨninta.

¹⁵Suasne Jesúsne awa minñamtu aizpa nɨjkulta. Uspane ussa paiña mikwa namninashimtu. Usne mamasa kwash ɨzara usparuztas paimpa ɨrɨt, mazain tuan.

¹⁶Amta parɨka, Jesúspa kammuruzne aiz pira kihshat kit

¹⁷maza kanuara waat kit aiz pi kwakkamɨzta, Capernaum pɨpulura piannana. Tɨlkwil parɨt me. Jesúsne mama uspa tukin kailtachi.

¹⁸Suasne tɨnta inkwa pamɨzta. Aiz pikas tɨnta kialmɨzta.

¹⁹Cinco o seis kilómetros ɨarawane, uspane Jesústa kasha amtu izara. Usne pi ɨsalpara chara. Uspane ishkuara, ira izpulta izara mintɨt akwa. Jesús kwinta kinarawane, uspane ussa piankamara.

²⁰Jesúsne kaiznara: —Na ish. Ishkuman.

²¹Suasne uspane ussa kanuara wat sappara. Sun urain sun pilta ɨamtura pianaara.