12Hayet lahwi isnohcano iscꞌul anma tuꞌ xin, yalni Comam tet ebnaj chicuywi yintaj: —Cutxbaweyo sunil ixim matxa malahwi yu anma tiꞌ, haxinwal machi ixim chietaxtoj, ẍi Comam.
13Hac tuꞌ xin yu iscutxbanico ebnaj ixim, caw xin cablahon̈ebto motx ixim matxa lahwi yu anma tuꞌ yin̈ ixim howeb pan cebada.
14Yet yilni anma huneꞌ cꞌaybalcꞌule iswatxꞌe Comam Jesús tuꞌ, yalni anma hacaꞌ tiꞌ: —Yin̈ caw yeli, haꞌ huneꞌ naj tiꞌ ischejab Comam Dios halbilcanoj tato chihul coxol bey yul sat yiban̈kꞌinal tiꞌ, ẍi anma.
San Juan 6
San Juan 6:12-14