San Juan 4:19-22

¹⁹Gate nu'ula' benne̱' da nigá, na' gunné̱': ―Xran, dxéqueda' nacu' lue' benne' dxuchalaje̱' waláz chee̱ Dios.

²⁰Xra xrtáuntu' ca' bulucá'ana szrene̱' Dios lu xi'a nigá, na' le'e, benne' judío, dxennale dxun na ba xen gucá'ana szrendxu Dios xe̱zre Jerusalén.

²¹Na' beche̱be Jesús: ―Guxéajle̱ chia', nu'ula. Ba za zra gate le'e gucá'ana szrenle Xradxu Dios, ne quebe gun na ba xen xídale lu xi'a nigá, ne quebe gun na ba xen chéajle Jerusalén.

²²Le'e, benne' Samaria, quebe núnbeale nua' dxucá'ana szrenle. Netu' núnbeantu' Nua' dxucá'ana szrentu', lawe' da za' benne' weselá ládujla benne' judío ca'.