9Veé dan, ne̱ xnáꞌanj síí cuꞌna̱j Nicodemo, cataj soꞌ: ―Asa̱ꞌ caꞌve̱e quiꞌya̱j yuvii̱ da̱nj ga̱ ―taj soꞌ, xnáꞌanj soꞌ a.
10Ga̱a ne̱ xnáꞌanj uún Jesucristó man soꞌ, cataj Jesucristó: ―ꞌO̱ se me cheꞌé si̱j uun chij si̱j tucuꞌyón se‑na̱na̱ Diose̱ rihaan nij yuvii̱ israelitá mé so̱ꞌ, tza̱j ne̱ ne neꞌén so̱ꞌ nana̱ nihánj nana̱ cataj ꞌu̱nj rihaan so̱ꞌ ga̱.
11Ya̱ ya̱ cata̱j xnaꞌanj ꞌu̱nj rihaan so̱ꞌ se vaa xa̱ꞌ núj, tza̱j ne̱ cheꞌé ina̱nj se vaa neꞌen núj aꞌmii núj ne̱ cheꞌé se vaa queneꞌen núj nataꞌ núj ado̱nj. Tza̱j ne̱ ne amán rá nij soj nana̱ aꞌmii núj maꞌ.