SAN JUAN 21:6-13

⁶Oncan Jesús oquiniluiloc: ―Xictlasacan in matlatl ic iyejcan in barco, huan nanquiahsisque. Ijconon oquichiuque, huan satepa ahhuel oquiquixtiyayahque in matlatl ipan in atl, ic tequin miyac michten oquipiyaya.

⁷Oncan in tetlamachticau in aquin Jesús tequin omotlasohtlayaya oquiluic in Pedro: ―¡Yehhuatzin in Totecohtzin! Hueloc oquicac in Simón Pedro quen Yehhuatzin in Totecohtzin, oncan oquitlali in icamisa (tleca oquiquixtihtoya ic tequiti), huan omotohuetzo ipan in atl, ihsiu maahsi in atlatentli.

⁸In oc sequinten tetlamachticahuan oahsique in atlatentli ihuan in barco, quitotochuilantihue in matlatl tentiu in michten. Ocahcatca cana se cien metros den atlatentli.

⁹Ic otemoque tlalpa, oquiahsique se tlecuili, huicsitica pani se michi huan pantzin.

¹⁰Huan Jesús oquiniluiloc: ―Xicualicacan sequin michten in tlen hueloc nanquiquixtiyahque.

¹¹Oncan in Simón Pedro otlehcoc ihtech in barco huan oquitotochuilan ipan tlali in matlatl ic tentiu in michten huehhueyi, se ciento ompohuali huan mahtlactli huan yiyi. Huan masque tequin miyac, in matlatl ahmo otzomon.

¹²Oncan Jesús oquiniluiloc: ―Xihualacan xitlacuacan. Huan niyan seya den tetlamachticahuan ahmo omoixcohyanui tetlahtlanis aquin Yehhuatzin, tleca quimauticaten quen Yehhuatzin in Totecohtzin.

¹³Saniman in Jesús omopacholoc, omoan in pantzin huan oquinmacaloc yehhuanten, huan noyojqui ijcon omochiu ica in michi.