1Ekäni u täŋkentäk säkgämän täŋ nimik täyak unita bänep täga pähap nadäŋ imina! Imata, unitäŋo ironi u tärek-täreki nämo patkukotä pätak, api pat yäpmäŋ ärowek.
2Anutu intäjukun-inik itak unita bänep täga nadäŋ imina!
3Ekäni ärowani intäjukun-inik itak u iniŋ oretna!
4U kubä-tägän kudän kudupi ini pärik kubä pewän ahäk täkaŋ.
5U iniken nadäk-nadäk terak kunum pewän ahäŋkuŋ.
6Täŋkaŋ komewä ume taŋi pähap u bämopiken täŋpäŋ peŋkuk.
7Ude täŋkaŋ edap dapuri kenta komepak täŋpäŋ yepmaŋkuk.
8Edap dapuriwä kepmata watäni itta teŋkuk.
9Täŋ, komepak kenta gukä bipanita watä itta yepmaŋkuk.
10Ekäni unitä Isip nanik täŋo nanak ämani intäjukun ahäwani u däpmäŋ moreŋkuk.
11Täŋkaŋ Isrel äbot Isip nanik yäŋ-yäkŋat yäpmäŋ äpämaŋ kuŋkuk.
12Iniken kehäromi terak keritä ude uwä täŋkuk.
13Täŋkaŋ Gwägu Gämäni bämopgän däpmäŋ täkŋeŋkuk.
Sam 136
Sam 136:1-13