44 Bekó'o yeḻa' ẕen chie', na' bka'no' ka'ze yeḻa' wnná bia' chie'.
45 Beno' ga nake' ka to benne' gole kate' ne zoe' yiz kwide' chie', na' beno' ga žedoe'ele'.
46 X̱anto' Dios, ¿to chi'ize bi yenlo' cheto'? ¿To chi'ize ẕža'akzo' neto'?
47 Bejsá' ḻaže' soa' yežlyó nga to chí'ido'ze. Beno' ga zoagak nbangak yógo'te benne' to chí'ido'ze.
48 Nitó benne' bi soe' nbane' to chi'ize. Yógo'tie' gátgake'. Nitó benne' bi yelé' ḻo na' yeḻa' got.
49 X̱anto' Dios, ¿biž nži'ilo' Dabí kan bchebe ḻažo'o, na' wnnakzo' gono'?
50 Bwia nga, X̱anto' Dios, ka yógo'te benách ẕka'ngak benne' wen žin chion' ka'ze, na' nbaga'a neda' da' žon dítjgekle benne' wláž chia' ka'.
51 Benne' ka' bi ẕḻé'egekle' Le' chawe' žon dítjgekle' bennen' wžío' Le', X̱anto' Dios. Žon dítjgekle' ḻe' gáte'teze zeje'.
52 ¡Ga'n ẕen X̱anžo Dios to chi'ize! Ka' naken, na' ka' gaken.
