29 Gona' ga sóatezegak ẕa'sóe' ka', na' nna biá'gake' ḻo wlaze' ḻe' x̱ak zoa ya'abá.
30 Cha' wsangak ẕa'só Dabí ka' da' bchi'la' ḻe'e, na' cha' bi góngake' ka nak da' goža' ḻégake',
31 na' cha' wzóagake' cheḻa'ale da' bsedla' ḻégake', na' cha' bi góngake' kan ẕnnakza' neda',
32 na' wsaka' zi'a ḻégake' dan' ẕží'igake' chia' neda', na' chinnja' ḻégake' yid dan' žóngake' da' ẕinnj,
33 san bi wsana' kan nži'ila' Dabí, na' bi wsana' gak ḻi ḻaža'a ḻen ḻe',
34 na' bi gaḻ ḻaža'a diža' da' bénḻena' ḻe', na' bi wchá'a da' ba wnnía'.
35 To chi'ize bzetj kwina', bchebe ḻaža'a bi da' gona', na' batkle gon ḻaža'a che Dabí.
36 Wnnía': Sóatezegak ẕa'sóe' ka', na' nna biá'gake' ḻo wlaze' ḻe' ḻawa' neda' x̱ak zoa wbíž.
37 Yeḻa' wnná bia' chie' sóatezen choch x̱ak zoa byo' ya'abá. Sóatezen choch x̱ak zoa ya'abá.”
