11Se mijcatzi tlen ya quitlalpachojtoque ax huelis tepohuilis para tijpiya hueyi teicnelili. Ax huelis tepohuilis para titemachtli.
12Nepa campa tzintlayohua ax huelise tepohuilise nopa huejhueyi chicahualnescayotl tlen tijchihua. Mijcatzitzi itztoque ipan se tlali campa ayoc tleno quiilnamiquij, huan ax huelis mitzilnamiquise para san ta tixitlahuac.
13Pero na nimitztzajtzilijtoc ta TOTECO, huan sesen ijnaloc nochi tlen niquijtohua quema nimomaijtohua ica ta ajsi hasta moixtla.
14TOTECO, ¿para tlen tijcocolía noyolis? ¿Para tlen tiquijcuenía moxayac huan titlachiya sejcoyoc?