SALMOS 78:51-53

⁵¹Teipa Toteco quinmicti nopa achtohui ehuani ipan sesen familia tlen tlali Egipto. Quena, quinmicti tlen elqui iniachtohui fuerza quema pejque quinpiyaj coneme.

⁵²Pero quinquixti itlacajhua queja elisquíaj pilborregojtzitzi, huan quinyacanqui ica yejyectzi ipan nopa huactoc tlali.

⁵³Quinyacanqui ica miyac temachili para ma ax majmahuica. Pero nopa hueyi atl quinatzonpolihuilti inincualancaitacahua.