SALMOS 65:1-3

¹Toteco Dios, san ta quinamiqui ma timitzhueyimatica, ta tlen tiitztoc ipan altepetl Jerusalén. Huan quinamiqui ma timitzmacaca nochi tlen timitztlajtolcahuilijtoque timitzmacase.

²Ta titechnanquilía quema timomaijtohuaj huan titechmaca tlen timitztlajtlaníaj, huajca nochi tlacame ipan tlaltepactli ma hualaca campa ta.

³Yonque toyolo temitoc ica tlajtlacoli, ta titechtlapojpolhuía nochi totlaixpanolhua.