SALMOS 20:5-9

⁵Queja nopa tojuanti titzajtzise ica paquilistli pampa ta titlatlantoc, huan tijtlalanase banderas ica itoca Toteco Dios pampa mitzpalehuijtoc. Quena, TOTECO ma mitzmaca nochi tlen tijtlajtlanijtoc.

⁶Cuali nijmati para TOTECO nechmaquixtía niitlanahuatijca tlen nechtlapejpenijtoc. Hasta tlen nepa elhuicac campa nelía tlatzejtzeloltic nechhualpalehuijtoc, huan nechchihua ma nitlatlani ica ichicahualis.

⁷Tlacame ipan sequinoc tlaltini motemachíaj ipan inincarros huan inincahuajhua para momaquixtise quema onca tlatehuijcayotl. Pero tojuanti timotemachíaj ipan TOTECO toDios.

⁸Inijuanti tlaijiyohuise huan huetzise, pero tojuanti timotlalanase huan noja tijpiyase fuerza.

⁹Toteco Dios, xijchihuas ma nitlatlani, na nimotlanahuatijca. Xinechnanquili quema timitznojnotzaj.