SALMOS 140:10-12

¹⁰Ipan inintzonteco ma huetzi tlicoli, o xiquinmajcahua ipan tlitl, o ipan tlacoyoctli tlen tlahuel huejcatla campa ayoc huelise quisase.

¹¹Amo xiquincahuili ma tlatlanica ipan totlal nopa tlacame tlen quinpactía istlacatise. Más cuali nimantzi xiquintlatzacuilti.

¹²Pero na cuali nijmati para ta, TOTECO, tiquinpalehuis nopa teicneltzitzi tlen inijuanti quintepotztocatinemij. Ta tiquinpalehuis tlen teicneltzitzi para ma quisa cuali para inijuanti queja quinamiqui.