SALMOS 139:12-14

¹²Pampa niyon nopa tzintlayohuilotl ax hueli nechtlatis moixtla, Toteco. Pampa para ta nopa yohuali tlahuía queja elisquía tonaya. Nopa tzintlayohuilotl huan tlahuili ta tiquita san se.

¹³Ta tijsencajqui sesen tlamantli tlen onca iijtic notlacayo. Huan tijmotzquilti sesen tlamantli tlen nijpiya, quema niitztoya iijtico nonana.

¹⁴Nimitztlascamati pampa nochi tinechsencajqui ma nieli se tlamantli tlen nelía cuajcualtzi. Quena, nopa tequitl tlen tijchijqui quema tinechsencajqui onpano yejyectzi. San nijsentlachilía para nimoilhuis nochi tlen tijchijtoc ipan notlacayo.