SALMOS 137:3-8

³Ax hueliyaya tihuicaj. Pero inijuanti tlen techhualicaque ica fuerza ipan inintlal, techtlajtlanijque ma tihuicaca ica paquilistli nopa yejyectzitzi huicatl tlen tihuicayayaj quema tiitztoyaj ipan altepetl Jerusalén.

⁴Pero ax tihuelque. Ax hueli tihuicase se huicatl para Toteco ipan sejcoyoc ica tlacame tlen ax tiquinixmatij.

⁵Intla niquilcahuasquía altepetl Jerusalén, ma quipolo ichicahualis nonejmatl, huan ma ayoc huelis quitzotzonas nopa arpa.

⁶Xijcahua nonenepil ma tlatzqui ipan nocamachal para ayoc hueli nihuicas, intla ayoc niquicnelisquía Jerusalén más tlen nochi tlamantli tlen nechpaquilismaca.

⁷TOTECO, amo xiquilcahua tlen nopa tlali Edom ehuani quiijtojque, quema nopa soldados tlen tlali Babilonia quixolehuayayaj altepetl Jerusalén. Inijuanti quiijtohuayayaj: “Xijxolehuaca nopa altepetl hasta campa tlatzquijtoc.”

⁸Teicneltzi ni tlali Babilonia, pampa nojquiya quixolehuase. Nelía paquis nopa tlacatl tlen quitlamixolehuas huan quintzontlamiltis itlacajhua.