77 Beyache' ḻaže'l neda' nich soa' nbana' dan' žaz ḻaža'a gona' da' wnnakzo' Le'.
78 Ben ga yedoé'egekle benne' ka' ẕka'n ẕen kwíngake', dan' ẕnnégake' chia', na' bi be bena' chégake', san neda' wláb ḻaža'a ka nak da' bchi'lo' Le' neto'.
79 Ben ga ḻa'gak benne' ka' ẕžébegake' Le', nich yéngekle' chia', na' wsédgekle' da' žsedle diža' chio' neto'.
80 Ben ga gona' dot ḻaža'a ka ẕnna x̱tižo'o, nich batkle yedoe'ela'.
81 Že' zedle be' da' nakkza' dan' ẕbeza' ža yido' yesló' neda'. Žx̱en ḻaža'a gaken kan ẕnna x̱tižo'o.
