SALMOS 119:72-76

⁷²Para na más ipati moleyes huan ax millones tlen oro huan plata.

⁷³TOTECO, ta ica moma tijsencajqui notlacayo. Huajca ama xinechpalehui ma niquinmachili motlanahuatilhua huan niquintzontecomatis.

⁷⁴Nochi tlen mitztlepanitaj huan motemachíaj ipan ta, paquise quema nechitase, pampa na nimotemachía ipan motlajtol.

⁷⁵TOTECO, na nijmati para motlamachtil senquistoc xitlahuac. Huan nopa tlatzacuiltili tlen tinechmacatoc nojquiya xitlahuac, huan nechhualiquilis tlamantli tlen cuali.

⁷⁶Huajca ama xinechyoltlalis ica moteicnelijcayo, senquistoc queja tinechilhuijtoc na, nimotlatequipanojca, para tijchihuas.