7 Dnayenyu Amuito Dwata, i kdeeyu dad to di tah tanà; dnayenyu i kdatahan na i galan.
8 Too mdatah Amuito Dwata, taman tooyu dnayen i kdatahan; nebeyu i bléyu di kenen, na fusuk gamu di gustifun dad to mangamfù di kenen.
9 Di kfangamfùyu di Amuito Dwata, i landè salà, fdanàyu i ktoyu di kenen, kankal gamu di munan kdeeyu dad to di tah tanà.
10 Manyu di kdee to di dad sahal banwe, “Amuito Dwata i harì! Tanimoan i banwe ani, na too mgagid i gufkahan dun, na laan mgingok. I kukuman i kdee to fagu di too glut kukum.”
