6 I ktabeng i kagotan salngad di ktabeng i ulen tatek di dad fule, na i tlitik tatek di tanà.
7 Too matnù i katlu i dad to di klo i kagotan, na too nun ktanak i banwe landè gutlagan.
8 Magot kenen i klamang banwe mdà di satu mahin kel ditù di satu mahin, mdà di bong yéél Yufratis kel ditù di klamang banwe.
9 I dad to dmuen kenen, lkuad fdanà di kenen kadang, na lamfan di tanà di munan.
10 Dad harì di banwe Ésfanya na di dademe banwe di kilil i mahin mlé di kenen kadang, na kel di dad harì di banwe Arabya na Itiyofya mlé di kenen.
11 Kdee harì lkuad kadang di munan, na kdee sahal dad to mimen i knayean;
12 du di kenen kagot kadang, falwaan i dad to landè di kalimala, na i dad to too nun kanlidù, na i kdee to landè tmabeng dale, ku ftabeng ale di kenen.
