Salmo 72:6-12

⁶I ktabeng i kagotan salngad di ktabeng i ulen tatek di dad fule, na i tlitik tatek di tanà.

⁷Too matnù i katlu i dad to di klo i kagotan, na too nun ktanak i banwe landè gutlagan.

⁸Magot kenen i klamang banwe mdà di satu mahin kel ditù di satu mahin, mdà di bong yéél Yufratis kel ditù di klamang banwe.

⁹I dad to dmuen kenen, lkuad fdanà di kenen kadang, na lamfan di tanà di munan.

¹⁰Dad harì di banwe Ésfanya na di dademe banwe di kilil i mahin mlé di kenen kadang, na kel di dad harì di banwe Arabya na Itiyofya mlé di kenen.

¹¹Kdee harì lkuad kadang di munan, na kdee sahal dad to mimen i knayean;

¹²du di kenen kagot kadang, falwaan i dad to landè di kalimala, na i dad to too nun kanlidù, na i kdee to landè tmabeng dale, ku ftabeng ale di kenen.