11 Taman fdadong gamu dini na flinge gamu dad ngàgu; na tdòta gamu smalig na likò di Amuito Dwata.
12 Mayè gamu dé ku nun fye knèyu na ku mlawil gamu? Mayè gamu dé ku nun klehewyu?
13 Ani kibòyu, too fgeye du fye là gamu talù sasè; na nang gamu tmulen kéng.
14 Tnagakyu dad sasè nimòyu na nimòyu i fye; na tooyu lalò i dalan kasaglabat na i ksasatu nawa.
15 I Amuito Dwata, toon neye i dad to matlu, na lingen i katlola kenen.
16 Kabay i dad to mimò sasè toon knang, talaan ale fnalê, na di kfatila flifetan i dad to, du fye landè to di tah tanà faldam dale.
17 Kabay linge i Amuito Dwata katlo i dad to matlu ftabeng di kenen, na falwaan ale di kdee kaflayamla.
18 Tnabengan i dad to malbà i nawala, na i dad to too mlidù mdà di salàla falwaan.
19 Dee kaflayam gnagu i to matlu, bay i Amuito Dwata tmabeng kenen di kdee.
20 Balù dad tulanan fangeyen du fye landè tfò.
