8 Is langun he etew kayi te kelibutan ereg he edtahud te Nengazen.
9 Su migkaǥi zà sikandin ne nehimu en is kelibutan. Mibmandù dà sikandin ne nehimu is langun.
10 Edèdeetan te Nengazen is pelanu te menge nasyun, ne kenè din idtuǥut he medlampus is menge tuyù dan.
11 Piru is kandin mulà he menge pelanu ne ebpedayun te wazà pidtemanan; is kandin he menge ketuyuan kenà egkaawà taman te taman.
12 Utew zeyzey is nasyun he iyan Megbevayè din is Nengazen. Utew zeyzey is menge etew he migaked te Nengazen.
13 Puun diyà te langit edtengtengan te Nengazen is langun he menge etew.
14 Diyà sikandin te ubpeey zin ne edtengtengan din is langun he ed-ubpà kayi te kelibutan.
15 Iyan sikandin mibeǥey te isip diyà te langun he menge etew, ne netuenan din is langun he ebpen-ul-ulahan dan.
