13 Din panturayam ay Yahweh, magay pap-eng na, tan ari ka si eng-enggana. Amin ay karim et sigurado ay tongpalem, yan maila din seg-ang mo sin amin ay amagem.
14 Din maligligatan et badangam daida, ya papigsaem din nemnem di madisdismaya.
15 Sik-a di pannamnamaan di amin ay parsua, et idawat mo sin kosto ay timpo din kanen da.
16 Idawdawat mo din kanen di esa ya esa, et mangan da enggana ay mabsog da.
17 Sin amin ay amagem, nalinteg ka, kanayon abe ay managseg-ang ka.
18 Mo way ipogaw ay naimposoan di kararag dan sik-a, nakasagana ka ay mangidawat sin kedawen da.
