1 Dirava e, a harohogu mauri! Badina be abata vada e dae ema bona aiogu.
2 Kopukopu dobuna ai vada na hepuni, aegu na asi ihadaina gabuna. Ranu dobudia ai vada na diho, abata ese e habubunigu.
3 Lau vada na tai mase, gadogu eme haurahaura; matagu vada e valahu-valahu, egu Dirava inarina ai.
4 Kwaragu huidia na gagadoi, asi badina e inai henigumu taudia na hutuma; bae hamasegu e tomu taudia na gogoada, edia koikoi amo e hadikagumu taudia na gogoada. Asina henaoa ḡauna na harihari baine haloua a?
5 Dirava e, egu kavakava be dibamu, egu kerere na oiemu amo se hehunimu.
6 Ḡaubada e, Iehova Sabaota e, ba durugu, oi e laromumu taudia na basie hemarai lau daigu ai. Israel Diravana e, ba durugu, oi e tahumumu taudia na basie hahemaraidia lau daigu ai.
