SALAMO 69:1-6

¹Dirava e, a harohogu mauri! Badina be abata vada e dae ema bona aiogu.

²Kopukopu dobuna ai vada na hepuni, aegu na asi ihadaina gabuna. Ranu dobudia ai vada na diho, abata ese e habubunigu.

³Lau vada na tai mase, gadogu eme haurahaura; matagu vada e valahu-valahu, egu Dirava inarina ai.

⁴Kwaragu huidia na gagadoi, asi badina e inai henigumu taudia na hutuma; bae hamasegu e tomu taudia na gogoada, edia koikoi amo e hadikagumu taudia na gogoada. Asina henaoa ḡauna na harihari baine haloua a?

⁵Dirava e, egu kavakava be dibamu, egu kerere na oiemu amo se hehunimu.

⁶Ḡaubada e, Iehova Sabaota e, ba durugu, oi e laromumu taudia na basie hemarai lau daigu ai. Israel Diravana e, ba durugu, oi e tahumumu taudia na basie hahemaraidia lau daigu ai.