Salamo 65:1-7

¹Eaubada e, i lolo oa se hedebasaem Siona eai, oa arim eai hinage abo riba aigora se hemamohoiedi,

²Oa uura tau ataiena! Oa arim eai tatao gamagaridi abo se laoma,

³baaea giruna debana eai. Ena ema awayagara se saetawatawaimai, oa u ribagigiridi.

⁴Aisega tau oa u abihineri, u woeaieama em numa tabuna gegesina eai, ia i kode ariri! Em abamia ena lolo i hegonoahimai, oa em dubu tabuna!

⁵Laulau matamatausidi aridi eai oa u lebohaimai ema abamauri Eaubadana e, tanoubu sigasigadi gamagaridi edi abasunuma ede oa arim eai, gabogabo sigasigadi hinage.

⁶Oa em adidiri eai oea tupidi u hetubudi, oa gigibori ue lui;

⁷gabogabo ena dagugu u hemonou, butubutu dagudaguguna; tatao hinage edi hetalagegagega;